"أي حد حر.. يعمل اللي هو عايزه طالما مفيش أذى لحد".. في السادسة صباحا خرجت ملك النغي مع شقيتها الأكبر نور والمصور على أشرف لجلسة تصوير للقطات مرنة في المناطق الحيوية بالقاهرة لظفر بصور لطيفة ومبهجة عن قدراتها وحركاتها المرنة: "روحنا قصر النيل والزمالك ونزلنا المترو.. كل صوة كانت بتاخد 10 ثواني مش أكتر" فمن السادسة صباحًا للتاسعة والنصف استمرت الجلسة واتخذت ملك من ليونة ورشاقة عضلاتها موضعا للتصوير: "ده مش جمباز ولا باليه ولا يوجه ديه حركات مرونة الجسم".

وعلى عكس العالم الافتراضي مرت الجلسة لتلفت أنظار المارة لكن دون التعقيب: "الناس في الحقيقة مكنش ليهم أي رد فعل خالص.. أما السوشيال الميديا أقل حاجة أقولها إنه كان مستنقع قذارة".. لم تتوقع ملك تداول صفحات المواقع الاجتماعي لصورها بحركاتها المرنة، ما أثار حفيظة البعض من سب ورفض معتبرين إياها غير لائقة لفتاة وبالتحديد لأزهرية محجبة ستلتحق بالصف الأول الثانوي حافظة لكتاب الله: "بس ده أمر ملوش علاقة بشخصيتي.. ومعاملتش حاجة غلط".

فترى ذو الـ16 عاما أن الأمر أخذ حجما أكبر بكثير من وضعه: "مش مستاهل ده كله.. الهجوم من فضا الناس" ورغم الهجوم التي تلقيه ملك كان أهلها لم يستقروا على وجهتهم: "مش قادرة أفهم شايفني صح ولا غلط.. لكنهم جنبي" وهو من أثر دود الإفعال التي واجهت الأسرة رغم معرفتهم بهواية ملك منذ سنوات: "قبل أي صورة ليا بنزلها بوريها للقريبين مني علشان لو في حاجة غير لائقة ما انزلهاش.. ومحدش قالي حاجة عن الصور الأخيرة.. مكنش في دماغي أني هتشتم بالألفاظ القذرة ديه".

لم تحدد ملك أمنيتها في أي كلية تسعى للالتحاق بها بعد 3 سنوات لكنها لم تتراجع عن الإستمرار في جلسات تصوير حركاتها اللينة المرنة فهدفها أبسط من التأويلات التي ظهرت على مواقع التواصل الاجتماعي: "عايزة صور لطيفة تبسطني وتبسط الناس.. ديه هواية "، كما لم تعد هذه الصور الأولى لملك بل هي الثالثة بعد جلسات ماضية كانت بإحدى الحدائق العامة وأخرى بجراج سيارات.