رئيس مجلس الادارة:

د. محمود مسلم

رئيس التحرير:

مصطفى عمار

رئيس مجلس الإدارة:

د. محمود مسلم

رئيس التحرير:

مصطفى عمار

علاقات و مجتمع

بالفيديو| طلاب الثانوية العامة في آخر أيام الامتحانات: "هم وراح"

كتب: غادة شعبان -

03:33 م | الأحد 01 يوليو 2018

صورة أرشيفية

بعد انتهاء طلاب الثانوية العامة اليوم من أداء آخر الامتحانات، يستعدون للاحتفال بالعيد من جديد والتخطيط لقضاء الأجازة، "هن" قام باستطلاع مظاهر احتفالهم وكيف سيقضون الأجازة حتي موعد ظهور النتيجة.

في البداية، قالت الطالبة حسناء محمد:"أنا كنت بلعب رياضه في  النادى طوال السنه ووقفت علشان الامتحانات بفكر أرجع تانى، وعايزة أقوى اللغات زي الألماني والإنجليزي، وأنزل جيم وأستعيد لياقتي".

وأضافت راوية محمد والدة إحدي الطالبات: "بنتى هترتاح شوية وبعد كده هترجع مدرسة القرآن لإنها كانت مأجلة لما تخلص الثانوية وممكن تروح مصيف وتخرج براحتها مع أصحابها".

وتابعت هدى فاروق والدة أحد الطلاب: "ابني عايز يدخل كلية عسكرية، وهو مخطط إنه ينزل الجيم يظبط جسمه ولياقته، علشان يقدر يتخطي اختبارات اللياقة وغيرها وبيحب ينزل يلعب كورة مع صحابة، هنسيبه يستجم بقي براحته شوية". 

أما عن والدة شيرين رفعت إحدى الطالبات قالت: "ممكن تشتغل معايا فى البيت وبعد كده النتيجة والتنسيق وندخل فى وجع دماغ من جديد هتروح كلية إيه".

وعبرت الطالبة ندي محمود عن انتهاء كابوس الثانوية العامة كما وصفته قائلةً: "هم وراح هرجع أعيش حياتي تاني وأخرج وأتفسح مع صحابي بعد كبت شهور ومسمعش جملة إنتي في ثانوية عامة ذاكري ولما تخلصي اعملي اللي انتي عايزاه".

يشار إلى أن طلاب شعبة العلوم قد أدوا الامتحان في مادة الجيولوجيا بإجمالي 239 ألفًا و704 طالب وطالبة، فيما أدى طلاب شعبة الرياضيات الامتحان في مادة الاستاتيكا بإجمالي 108 ألف و838 طالبًا وطالبة، وأدى طلاب الشعبة الأدبية الامتحان في مادة الفلسفة والمنطق بإجمالي 248 ألفًا و513 طالبا وطالبة.

ومن المقرر أن يتم إعلان نتيجة الثانوية العامة في منتصف شهر يوليو الجاري.

 

الكلمات الدالة