كتب: محمد العسكري -
12:08 ص | الأربعاء 20 يونيو 2018
نشرت الفنانة سما المصري، صورة جديدة بإطلالة جريئة زرقاء بعد هزيمة المنتخب المصري أمام روسيا في إطار منافسات الجولة الثانية من المجموعة الأولي بكأس العالم المقامة في روسيا، تعبر فيها عن حزنها لهزيمة المنتخب، داعية متابعيها وجمهورها بعدم الحزن للمباراة وتتمنى عودة الفنانين والإعلاميين بسلام إلى مصر، عبر صفحتها الخاصة بموقع تبادل الصور والفيديوهات "إنستجرام".
وقالت سما تعليقا على الصورة: "سيبكوا من الماتش خلينا في الحوت الأزرق ده، أنا قلت احنا هنخسر لو ماروحتش روسيا وأهو حصل، معلش تتعوض ماتزعلوش هى دي الكورة خلينا في الدلع بقى وسيبكوا من النكد، إحنا استوينا نكد هنلاقيها منين ولا منين، أنتوا بس لو تنتخبوني وزيرة سعادة، صدقوني هنكسب كل الماتشات، اضحكوا أدينا فرحنا شوية بدخولنا كأس العالم، كده كده كنا هنخرج من الدور الأول أو الثاني المهم حد يبقى يطمنا على كابتن مجدي عبدالغني وعلى الفنانين اللي راحوا روسيا، يارب محدش يضربهم زي ماتش أم درمان، ارجعي يافوفا كفاية يافيفي أنا خايفة عليكي، حبيبي صلاح هو اللي مفرحني دايمًا، بحبك يا مصر".
وكانت سما، أطلقت أغنية لمدرب المنتخب المصري هيكتور كوبر: "الكيرفات دي كلها عشان كوبر لوحده، رقصة مخصوص لحبيب الملايين كوبر، أبوس إيدك ماتنيمناش مغمومين النهاردة.. مش هيبقى البنزين وأنت كمان، وحياة عيالك شد حيلك معانا شوية وأنا يا أخي.. ندر عليا أعملك حفلة أغني لك مخصوص بس بلاش كمان ماتش النهارده نخسره.. هعملك فته ياخواجة بس خد بالك مننا شوية".
كما توقعت المصري، هزيمة المنتخب المصري أمام نظيره الروس، والتي انتهت بالفعل بفوز الروس بثلاثة أهاف مقابل هدف.
ونشرت سما صورة عبر صفحتها الخاصة بموقع تبادل الصور "إنستجرام" بإطلالة رياضية، حيث ارتدت تي شيرت المنتخب المصري، وعلقت: "يارب، بس بصراحة مش متفائلة، الفأر بيلعب في عبي، حاسه أننا مش هنقدر علي روسيا وقربنا نخرج، مش بأحبطكم بس إحساسي مابيكدبش، ربنا يستر ويخيب توقعي".
