رئيس مجلس الادارة:

د. محمود مسلم

رئيس التحرير:

مصطفى عمار

رئيس مجلس الإدارة:

د. محمود مسلم

رئيس التحرير:

مصطفى عمار

علاقات و مجتمع

أبو تريكة اعتزل والأهلي مبيلعبش.. نصائح ساخرة للفتيات قبل كأس العالم

كتب: آية أشرف -

12:42 ص | الأربعاء 23 مايو 2018

صورة ارشيفية

سخر بعض رواد موقع التواصل الاجتماعي "فيس بوك"، من الفتيات اللائي يهتممن بكرة القدم، رغم جهلهن بالكثير من قواعدها، وذلك تزامنا مع مباراة المنتخب الوطني أمام أورجواي في "مونديال 2018"، 14 يونيو المقبل.

ووجهت صفحة "ريمونتادا" المعنية بكرة القدم، بعض النصائح الموجهة للفتيات:

"هام لكل زوجة، أخت، صديقة.. يوم 14 يونيو تبدأ بطولة كأس العالم، أحب أوضح بعض النقاط ليكم:

  1. يوم 14/6/2018 إن شاء الله تبدأ بطولة كأس العالم فأحب أوضح بعض النقاط الهامة.
  2. البطولة 64 مباراة، وإن شاء الله هتفرج عليهم كلهم وأحياناً هتفرج على المباريات المُعادة كمان.
  3. خروج مصر من البطولة لا قدر الله، مش مبرر إني متفرجش على المباريات كلها.
  4. عادي جداً إن محمد صلاح يكون بيلعب في ليڤربول وميسي في برشلونة ورونالدو في الريال، وبرضو سبحان الله يلعبوا مع مصر والأرچنتين والبرتغال.
  5. المباراة مدتها 90 دقيقة على شوطين، والفرقتين بيبدلوا الملعب بين الشوطين.
  6. بعض المباريات بعد الدور الأول وقتها يمتد بعد الـ90 دقيقة، ودي حاجة متخضش عادي.
  7. أبو تريكة اعتزل فمعناها إنه مش هيلعب تاني، حتى لو كأس العالم.
  8. الفرقة تتكون من 11 لاعبا منهم حارس مرمى، وعشر لاعبين، وكل فرقة ممكن تغير 3 لاعبين، ومش شرط يكون اللي خارج مصاب.
  9. البطولة دي بنستناها كل 4 سنين، والسنة دي كمان فيها مصر بعد 28 سنة، فياريت شهر البطولة ده يكون كل الأجواء مناسبة لمتابعة البطولة.
  10.  بعد البطولة عادي الحياة بتستمر، والدوريات بتشتغل من نص أغسطس، بمعنى أن البطولة مش نهاية المطاف، وبعد كده مع كل ماتش تقولوا هي مش البطولة خلصت.
  11. الأهلي مش بيلعب في البطولة دي.
  12. يمنع تماماً الأسئلة والحوارات أثناء المباريات أو الاستوديو التحليلي.
  13. تريزيجه ده اسم الشهرة، لكنه مصري من فضلك ما تسأليش "ده جنسيته إيه؟".