كتب: ندى نور -
08:22 م | الإثنين 19 مارس 2018
"هنجيب لماما إيه يوم عيد الأم"، سؤال يشغل بال كثير من الأبناء، ويحاولون أن يتوقعوا الهدية، التي تحتاج إليها الأم، بعض الأمهات لا تعي بالهدية التي يجلبوها الأولاد ولكن يهتموا بالمعاملة الطيبة من الأبناء لهم، والبعض الآخر من الأمهات تمثل الهدية لهم دليل على حب أولادهم لهم، ويشعر بعض الأبناء بالحيرة من نوع الهدية التي ترضي الأمهات.
"مش هتفرق معايا الهدية المهم يعاملوني كويس ويهتموا بيا"، بهذه الكلمات بدأت سعاد أحمد، أم لـ 4 أبناء، حديثها لـ "هن"، وأكدت أنها لا تهتم بالهدية قدر اهتمامها بطريقة تعامل أولادها معها، وإظهار الحب لا يرتبط دائمًا بالهدايا وتكلفتها المرتفعة، "اهتمام أولادي بيا دي أجمل هدية".
ولم تختلف وجهة نظر فاطمة علي، أم لـولدين، عن رأي مدام سعاد، وعلقت على ذلك: "كل سنة أولادي بيجبولي هدية في يوم عيد الأم وبيكونوا كويسين أوي بعد كده بيفتكروا أن هما كده عملوا اللي عليهم، ويرجعوا يعاملوني بأهمال غريب وفين وفين لما يسألوا عليا مع أنهم عايشين معايا في نفس البيت أنا عندي ولد في ثانوية عامة، والتاني متخرج من هندسة كمبيوتر".
وأضافت سعاد: "ولادنا فاهمين أن العبرة بالهدايا بس أهم حاجة يهتموا بينا طول السنة ميبقاش في المناسبات وخلاص، وذي مكبرنهم وطلعنهم أحسن ناس للمجتمع، لازم نفضل على طول أهم حاجة في حياتهم". وتابعت: "ولادي دايمًا بيجيبولي أحسن حاجة يوم عيد الأم وفي المناسبات، بس دايمًا بحس أنهم بيعملوا الواجب بس، كأنهم جايبين هدية لواحد صاحبهم مش أمهم".
وعلى الجانب الآخر بعض الأمهات ترن أن هدية عيد الأم هي من أهم الدلائل على الحب بين الأبناء بل ويفضلون أنواع معينة من الهدايا التي تشعرهن بالفرحة وفي ذلك.
وقالت ماجدة ناجي، أم لفتاة في كلية صيدلة: "بنتي دايمًا بتفرحني يوم عيد الأم وبتشوف أنا محتاجة أيه وبتجيبوا مش بتجيب أي حاجة وخلاص، وبتحرص كل عيد أم أن أحنا نخرج خروجة حلوة أنا وهى بس، ودي بتبقى من أسعد لحظات حياتي".
وتابعت ماجدة ناجي: "بحس ساعتها أن أحنا قريبين من بعض أوي علشان بنتكلم في كل حاجة ودايمًا تسألني عن الحاجات الهي بتعملها بتزعلني منها علشان كده انا على طول قلبي راضي عنها".
"أن ولادي يفتكروني دي أهم حاجة عندي"، هكذا بدأت رندا علي، أم لولد وبنت حديثها قائلة: "أنا مش أم طماعة بس مش بحب أنهم يجيبوا هدية وخلاص"، وعللت على ذلك قائلة: "السنة الفاتات جابولي لبس شكله معجبنيش ومش شبه لبسي الهما أصلًا حفظوا شكله، وركنتوا عندي فده تبذير على الفاضي".
وأشارت رندا علي: "أنا عندي بنت وولد، البنت اتجوزت والولد عايش معايا متخرج من كلية طب".
وقدمت نصيحة للأبناء بضرورة مراعاة ذوق الأم عند شراء الهدايا المختلفة "مش هدية والسلام".
