"حمايا بيتحرش بيه" هكذا قالت "ندى ع" في أثناء جلوسها داخل محكمة الأسرة، لجأت ندى إلى القضاء بسبب تحرش حماها المستمر إلى أن تطور به الأمر بأنه يقولها "اتطلقي من ابني وأنا اتجوزك واخدلك شقه بعيد".

تبلغ من العمر (27 سنة) ولديها ولدان وبنت متزوجة من "محمد .س"، عاطل، "لما بنتخانق أنا وهو حمايا يعمل نفسه بيبعد جوزي عني وبيتحرش بيه وقولت لجوزي قالي أنا مقدرش أكلم أبويا في حاجة زي دي، غضبت وروحت عند أهلي حمايا جالي من ورا ابنه، قالي اتطلقى وأنا هجوزك وهاجبلك بيت باسمك بعيد وهاخدك ونمشي".

وتتابع: "بعاني من مضيقاته من أول ما دخلت بيتهم بس بما أني ساكته، أفتكرني عجبني الموضوع والحال بيزداد سوء.. وجوزي أضعف من أنه يواجه أبوه ومعندوش شخصية، وأنا حكيت لحماتي كل حاجة علشان بحبها وهي أكبر من والدتي، قالتلي أنا عارفة كل حاجة وحاسة بس مفيش في أيدي حاجة اعملهالك، بس عيشي وربي ولادك ومتخربيش بيتك بأيدك، حماكي ظالم محدش قده".

وعرضت علي جوزي ناخد شقه بعيد عن بيت أبوه موافقش، فروحت للمحامي ورفعت قضية خلع 507 لسنة 2017 ومستنية الحكم.