عندي مشكلة محرجة شوية أنا عندي 22 سنة ولي أخت تانية متجوزة من 3 سنين ووالدتي عمرها 46 سنة.. والدي متوفي من 11 سنة ووالدتي هي اللي كانت متحملة مصروفاتنا وكل حاجة.. من حوالي سنة بفتح تليفون أمي لقيت رسايل حب على الفيسبوك شفتها بالصدفة واتكلمت معاها وقالتلي إنه محدش هياخد أبدا مكان أبوكي وكلام من ده.. 

وفعلا صدقت كلامها وسكت.. بعد فترة لقيت تصرفاتها بقت غريبة وبتتكلم في التليفون كتير واما أدخل تسكت وتغير الكلام.. فتحت تليفونها تاني لقيت رسايل وكلام وإن الراجل ده عايز يتجوزها.. من غير محس أخدت رقمه وشتمته وقلتله ميتصلش بيها تاني وإلا هقول لأخوها وهدخل رجالة العيلة في الموضوع وههزأه.. اتفاجئت إن أمي زعلت مني أنا زعلانة قوي ومش عارفة أتصرف..

تصدقي زعلتيني، وزعلتيني أوي كمان، ليه كدا يا حبيبتي الأنانينة دي كلها؟ أمك اتقطعت عن الدنيا ومباهجها 11 سنة بدون سند، دنيا غدارة زي المش كل ساعة بوش، عشان تكبركم وترعاكم، في زمن مابيرحمش، يا بنتي دا المثل بيقول القفة أم ودنين يشيلوها اتنين، وهي شالت قفتين لوحدها، جوزت اختك وراعتها هي وعيالها لما بقى عندها تلاتة وانتي كلها كام شهر وتيجي جارة لها عريس الغفلة وتقوليلها عاوزة اتجوز، طيب وهي؟ هاتفرحي بقعدتها لوحدها ورا الباب مستنية كل واحدة فيكم لما تبقى تحن عليها وتيجي تزورها؟ هاشتيليها لو تعبت لما يبقى معاكي عيل على دراعك وعيل ماسك في ديلك وجوز وراكي قالب دماغك؟

أنا كلامي مش هايبقى موجه لأمك، أنا كلامي كله ليكي انتي يا حبيبتي، هايرضيكي الوحدة تاكل أعصابها، والفراغ يقتلها، مافكرتيش غير في نفسك ومشاعرك وبس؟ طيب وهي فكرك 46 سنة تبقى كبيرة؟ ولا عجوزة؟ سيبيها تتجوز وافرحليا وفرحيها، واحد حبها وجاي يتجوزها، يا بنتي دا اللي جوزها يحبها الشمس تطلعلها، والجوز برضو رحمة ولو كان فحمة.

بصي يا حبيبتي

تصدقي زعلتيني، وزعلتيني أوي كمان، ليه كدا يا حبيبتي الأنانينة دي كلها؟ أمك اتقطعت عن الدنيا ومباهجها 11 سنة بدون سند، دنيا غدارة زي المش كل ساعة بوش، عشان تكبركم وترعاكم، في زمن مابيرحمش، يا بنتي دا المثل بيقول القفة أم ودنين يشيلوها اتنين، وهي شالت قفتين لوحدها، جوزت اختك وراعتها هي وعيالها لما بقى عندها تلاتة وانتي كلها كام شهر وتيجي جارة لها عريس الغفلة وتقوليلها عاوزة اتجوز، طيب وهي؟ هاتفرحي بقعدتها لوحدها ورا الباب مستنية كل واحدة فيكم لما تبقى تحن عليها وتيجي تزورها؟ هاشتيليها لو تعبت لما يبقى معاكي عيل على دراعك وعيل ماسك في ديلك وجوز وراكي قالب دماغك؟

أنا كلامي مش هايبقى موجه لأمك، أنا كلامي كله ليكي انتي يا حبيبتي، هايرضيكي الوحدة تاكل أعصابها، والفراغ يقتلها، مافكرتيش غير في نفسك ومشاعرك وبس؟ طيب وهي فكرك 46 سنة تبقى كبيرة؟ ولا عجوزة؟ سيبيها تتجوز وافرحليا وفرحيها، واحد حبها وجاي يتجوزها، يا بنتي دا اللي جوزها يحبها الشمس تطلعلها، والجوز برضو رحمة ولو كان فحمة.

انتي غلطتي مرتين، مرة لما نصبتي نفسك رقيب عليها وحكم، ومرة لما اتصلتي تشتمي الراجل اللي قدر أمك وخلاها ترجع شباب من تاني وتحس بحلاوة الدنيا وإنها لسة ممكن تتعاش، زي ما اتصلتي وغلطتي، ترجعي تتصلي وتعتذري وتقوليله انا انفعلت وبعتذرلك، هو يا حبيبتي عمره ما هايكون مكان أبوكي، ولا عمر أمك هاتسمح بدا يحصل، اعتبريه سبب من عند ربنا إن أمك ماتبقاش لوحدها بعد ما ربنا يكرمك وتروحي بيت عدلك، ماتعرفيش يا بنتي الوحدة مرة قد ايه.

شاركوني مشكلاتكم على الميل ده:honna@elwatannews.com