"التعليم كالماء والهواء" جملة مأثورة قالها عميد الأدب العربي طه حسين عندما كان وزيرا للمعارف، والتي أصبحت بعد ذلك وزارة التعليم، لكن الزمن تغير ولم يعد لتلك الجملة مكانا مع تدهور وضع التعليم والكثافة السكانية العالية التي تجعل عدد التلاميذ في الفصول يصل إلى 80 تلميذا.

كيرو ناجح، واحد من طلاب المدارس، الذي قرر توثيق يومه الدراسي بصور سيلفي حزينة مع جمل ساخرة تعبر عن حالته، صور كيرو لاقت تفاعلاً كبيراً من آلاف الناشطين على مواقع التواصل.

1- "بصحى 6 الصبح طبعا بسرح شعري وبهتم بمنظري جدا وأنا رايح المدرسة ومستني الأتوبيس اللي بيجي بسرعة رهيبة وبيبقى فاضي جدا الصبح عشان أوصل لمكان التعليم العظيم".

2-"طبعا مفيش مدرسة من غير طابور وتمارين الصباح اللولبية.. أنا عايز أفهم الفكرة من 4 سقفات!! لا بقى حد يفهمني أنا لما أسقف 4 سقفات الساعة 7 الصبح هستفاد إيه"

3- "وبنطلع الفصول بكل نظام وآدامية وتحضر"

4- "فين المدرسين؟ يوووه أصلهم نسيوا يقلولنا إن مدرسين الحصة الأولى بيجوا على آخر الحصة بربع ساعة عشان الطريق بعيد، وطبعا لسه محافظ على بسمتي وحماسي"

5- "في البريك بفضل قاعد فوق مبتسم ابتسامة أمل مش بنزل عشان الطلاب العظماء بيبقوا شوية غنم بيلعبوا فالتراب".

6- "المدرسين بيطلعوا في الفصول اللي بعد الفسحة في آخر 10 دقايق منها علشان بيفطروا"

7-  "أخيرا بنخرج في نظام وهدوء مع ابتعاد الولاد المحترمين عن البنات عشان البنات عندنا بتتكسف وبنخرج كلنا سعداء على وجوهنا أجمل الابتسامات"