"الباركور" مجموعة الحركات البدنية الخفيفة بغرض منها الانتقال من النقطة أ إلى النقطة ب بأكبر قدر ممكن من السرعة والسلاسة، وذلك باستخدام القدرات البدنية، وقد وُجد الباركور أساسا كطريقة جديدة ومختلفة لتخطي العقبات أو الحواجز، وهو ما يجعلها ملائمة بشكل أكبر للأولاد دون البنات.

لكن بسنت هاشم، 27 عاما، كا لها رأي أخر بعدما اتجهت لممارسة تلك الرياضة أثناء دراستها الجامعية في كلية التربية النوعية: "كنت أنا وأصدقائي بنجمع معلومات عن فنون الـ underground، كنت في مجال الموسيقي والرسم، وبالصدفة مسكت القسم ده وبدأت أدور فيه.. ومنذ 6 سنوات، تعرفت على مجموعة عبر "فيس بوك" اسمها 2df: "دول بيمارسوا رياضة الباركور، وشجعوني أني أكون معاهم".

وتتابع: "الباركور رياضة معتمدة على كسر الحواجز النفسية قبل أي شيء، وتساعد على ارتفاع معدل الثقة في النفس عند الشخص.. أنا من وقتها حياتي اتغيرت، وبقيت سعيدة جدا، ودايما بحب الحياة، وساعدت على اكتشاف قدراتي".

نشر فكرة الحركة عند الناس، سبب جعلها تؤسس مكان خاص للتدريب على الرياضة، بالإسكندرية: "ابتديت كبيرة، ومكنش عندي خلفية عن الرياضة خالص، وكمان محجبة وأغلب الرياضات ليها زي خاص، وأحيانا بيكون صعب مع الحجاب".

تقول إن رياضة الباركور (parkour) لا تلتزم بزي معين، وليس لها قواعد من ارتداء الملابس، وغير مرتبطة بسن، أو شكل: "طالما بتتحرك يبقي تقدر تعمل أي حاجة، وفكرة الممارسة قائمة على التدريب على حركات معينة".

ومن دروسها، رياضه تدربك على كيفية توصيل من نقطة لنقطة أخرى،دون أي عائق يريد الوقوف منك، وتوضح: "يعني لو هتجري عشان توصلي لمكان معين ولقيتي سور مش هتقفي، ده نظريًا، وطبعا ده بيأثر نفسيًا جدا أنك بتعرفي إزاي تتحركي بسهولة".

وتوضح لـ"هن": "قررت أفيد الناس، وابتديت أدرّس في الرياضة عشان أفيدهم، بشكل حقيقي عن طريق المحاضرات".

تتيح بمركزها ألعاب أخرى، تمارسها من الـ skate، وcrossfit، واليوجا، بجانب تمرينيات اللياقة: "بمرن فيه البنات وبحمسهمن علي هواياتهن، عن طريق الحركة والثقه بالنفس".

لديها اعتقاد أن كل شخص يمتلك الموهبة، ولكن تتنوع درجات الثقة بالنفس بين الآخر، وكذلك الخوف: "السن مجرد رقم بيبتدي يتحسب من كل نجاح عديت بيه، وهدفي من تمرين الناس، وأنهم يثقوا في نفسهم، ويحبوا الحياة، ويهتمموا بروحهم ويغذوها".

اتجهت إلى ممارسة الـ "باركور" في الشارع، وتمرينات الفتيات بالأماكن العامة، والمتنزهات، وعلى شاطئ البحر: "لما بجري بنزل علي البحر اجري وحتي اليوجا بقيت بتمرنها علي البحر، والفتنس التمرين الوحيد الي بعمله في المركز مع البنات".

المناظر الطبيعية، وتنفس الهواء، ورؤية البحر: "بيساعد جدا في تغير المزاج، وبيسبب سعادة روحية، وبحاول قد الإمكان أوّفر كل الطرق اللي تسبب سعادة مع التمرين".