هي
صورة

تهمل كثير من الفتيات والنساء في أنفسهن، لضيق الوقت، أو اشنغالهن ووقوعهن أسرى لضغط العمل، والبيوت إذ كانت ربة منزل.

لهذا السبب قدمت نانيس سليم خبيرة التجميل، 9 خطوات تساعد المرأة على الاهتمام بمظرها الخارجي.

وكتبت "نانيس" في منشور عبر صفحتها على "فيس بوك": "من أكتر شكاوي الستات، أنهم مش لاقيين وقت يهتموا بنفسهم، تعالي كدة نبسط الموضوع على نفسنا ونتعود على شوية حاجات نعملها باستمرار".

وأوضحت "نانيس" ما يلي:

1 - لبس النوم، يتقلع قبل ما تخرجي من الأوضة ونلبس لبس قطن مريح نعرف نتحرك بيه.

2- شعرنا يا جماعة، نسرحه على الأقل مرة في اليوم بلاش بقالي أسبوع محطتش في مشط، ويستحسن يكون مشط خشب، دي هي دقيقة كل يوم.

3- إيدي ناشفة من كتر المواعين والماية والصابون، طيب ممكن تحطي علبة كريم صغيرة جنبك في المطبخ عشان متنسيش نفسك، وكل ما تنشفي إيدك تحطي كريم.

4- بعد ما تخلصي عصر الليمون ماترميهوش، اغسلي بيه إيديكي وبالذات ضوافرك وحواليها.

5- لما تيجي تاخدي دش، خدي معاكي شوية سكر، وحطيهم ع الشاور جيل هتعملي "إسكرب" هايل بأقل تكلفة وأقل وقت.

6- خلي دايما في الحمام كيس قطن ومياه ورد، وانظفي بيهم وشك مرة في اليوم.

7-جنب سريرك خلي دايما علبة كريم أو فازلين وحطي علي إيدك وكعب رجلك، والركبتين قبل ما تنامي وياريت لو لبستي شراب هتصحي تلاقيها ناعمة جدا.

8- مرة في الأسبوع حطي شوية زيت زيتون على شعرك، قبل ما تدخلي تاخدي دش هيغذية ويطريه جدا.

9- حبي نفسك.

 

https://www.facebook.com/naneesselim/photos/a.244061592287369.78451.136381579722038/1869759746384204/?type=3