نشرت فتاة تسمى "شروق أسامة" عبر صفحتها الشخصية على "فيس بوك"، بالصور توثيقًا لمحاولة تحرش تعرضت لها لدى استقلالها "ميكروباص" خط "حلوان ـ التبين".

وعلقت "أسامة" على الصور قائلة: "دي تقريبًا أول مرة اقتنع إن معندناش رجالة، والصورة دي لسه حاصله معايا حالًا، أول حاجة عملتها إني صورت عشان لما يقول معملتش يبقى أعرف أرد عليه"، ولكن "أسامة" تعرضت لصدمة عندما رفعت صوتها على المُتحرش، إذ وجدت كل الموجودين داخل الميكروباص يقولون لها "خلاص يا آنسه .. معلش خلاص".

وتابعت: "يعني رجاله كبار بشنبات بيقولولي اسكت لما واحد يمد إيده عليا، ده أنا أصحابي أرجل منهم"، مُوجهة حديثها: "لكل الفتيات: "إحنا معندناش رجالة فخدي حقك منك ليها واخشوشنو، ويبقا حد يجي يقوللي أصل لبسك مستفز".

وأشارت إلى أن بعض المواطنين التي وصفتهم بـ"المتخلفين" قالوا ليها: "خرجتي من بيتك ليه"، مُعلله خروجها بأنها كانت عائدة من الدرس، مضيفة: "وحتي لو مش درس هتقدروا إزاي تحبسو البنات في البيوت عشان انتو حيوانات مش قادرين تمسكو نفسكو عن بنات الناس".

وبمراجعة صور "شروق أسامة" الشخصية، ظهر أنها فتاة منتقبة، كما يظهر من الصور على صفحتها على "فيس بوك".