أم صح
صورة ارشيفية

الكثير من الأمهات، تحتارن في الطريقة المثلى لتربية الطفل خاصة في السنوات الأولى من عمره، هل تستخدمن طريقة الحزم الشديد أم تتساهلن مع بعض الأشياء الخاطئة التي يفعلها الأطفال؟.

سهام حسن، أخصائي علم النفس والكلام وتعديل السلوك، عبر صفحتها الرسمية بموقع التواصل "فيس بوك" قالت إن جميع التصرفات التي يقوم بها الطفل في سنواته الأولى هي مجرد "لعب"، ولا يوجد لدى الطفل وقتها مخزون ثقافي يجعله يفرق بين ماهو صحيح وما هو خاطئ، وسيكتشف من خلال اللعب ذلك.

وتشرح سهام: "لعب الأطفال في السن ده أوقات بيسبب خساير بتعصب الأم والأب فبيضربوا الطفل، اعتقادا منهم أنه هو كدا هيفهم أنه غلط، بالعكس الطفل لما بيكون بيلعب ويتضرب هيفتكر أنه اتضرب عشان بيلعب، ومش هيفهم هو ليه بيتضرب والطفل مش بيبطل لعب وممكن يغلط تاني ويبقى الضرب مش هيجيب نتيجة في السن ده الطفل لأنه مش بيفهم الكلام لكنه بيميز نبرة الصوت وتعبير الوش ونظرة العين اذا كانت تعبر عن رضى أو تعبر عن غضب".

واستكملت سهام: "لو ابنك عمل غلطة وفي نفس اللحظة شافك مكشرة في وشه أو لو قرب على حاجة وسمعك بتقولى لا بنبرة صوت حادة مع "زغرة" عين هيعرف إن في حاجة مش طبيعية وهيبعد عنها وهيربط شكل التكشيرة باللي كان بيعمله، خصوصا لو كرره وشاف نفس تعبير الوش اللي مش بيحبه".

ونصحت سهام الأمهات بالاستمرار في هذا الأسلوب حتى يصل إلى عمر الثلاثة أعوام، ويبدأ في تكوين جمل كاملة والتعبير عن مشاعره.