رئيس مجلس الادارة:

د. محمود مسلم

رئيس التحرير:

مصطفى عمار

رئيس مجلس الإدارة:

د. محمود مسلم

رئيس التحرير:

مصطفى عمار

هي

5 نصائح هامة عند تشطيب شقتك.. تعرف عليها

كتب: سارة سند -

01:06 م | الثلاثاء 25 يوليو 2017

صورة ارشيفية

"تشطيب الشقة" الهم الأكبر الذي يحمله المقبلون على الزواج بعد التخلص من معاناة الحصول على الشقة نفسها، وضعت صفحة"Arcland - Decor & Design" على "فيسبوك"، 10 نصائح يجب اتباعها عند تشطيب المنزل.

1- أعمال الكهرباء:

- إدرسي توزيع الفرش ومقاساته قبل ما تشتريه عشان تقدري توزعي المفاتيح والبرايز في الغرفة في اماكنها الصح ومتجيش خلف كنبة أو سرير ومهم توزيع فيش المطبخ ولازم تكون بزيادة.

- أسس خطوط التكييف لكل الغرف حتى لو مش هتشتريه دلوقتي.

- الاستعانة بمهندس خبير في استلام أعمال الكهرباء.

- خلي بالك من السلك المضروب واشتري المعتمد من مكان له سمعة ويكون معاك الكهربائي أو مهندس خبير أفضل.

 

2- استخدم الجرانيت في المطابخ وابتعد عن الرخام:

نعومة ومسامية الرخام بتخليه لما سوائل تنسكب عليه ممكن تتسلل خلال مسامه وتسبب بقع عميقة لا يمكن إزالتها بأي شكل، ويتأثر بالحرارة وممكن تخليه يغير لونه.

كمان الأحماض بصفة عامة تؤثر في الرخام تأكل فيه وتخرمه وتعمل فيه حفر ونقر زي الليمون و الخل.

 

3- التأكيد على ضبط "الشيرب":

يعني تحديد مناسيب وارتفاعات كل حاجه زي بيبة الصرف ومخارج الخلاطات وارتفاع الحوض والسخان ومفاتيح وبرايز الكهرباء وتوحيد ارتفاع الأبواب وجلسات الشبابيك.

الشيرب ده علامة بنعملها علي الحائط في مستوى أفقي واحد وتكون علي ارتفاع 1متر من وش التشطيب بتاعك.

 

4- الجبسون بورد المفتوح ( بإضاءة مخفية ) في المطبخ:

غير مفضل لأنه بيجمع أبخرة الزيوت والتراب بيلزق عليه، وفي باقي الشقة لازم نظافة ليه من التراب باستمرار.

 

5- السيراميك:

ابعدي عن اللون الأسود في الارضيات او الحوائط السيراميك خصوصا لو المساحة مش كبيرة، غير أن البورسلين الأسود في الأرضيات بيبين التراب وآثار الأحذية على عكس درجات البيج هي أفضل حاجة.

اختبار ميول أرضية الحمام مهم جدا، وتركيب البورسلين لازم يكون بالطريقة الصحيحة.

السيراميك اللي فيه أشكال بارزه ونتوءات وملمسه خشن في المطبخ تتراكم عليه الأبخرة وصعب التنظيف.

الكلمات الدالة